Ավինյանը Մայրության տոնի առթիվ մանկապարտեզների տնօրենների հետ բալետ է դիտել

Երևանի քաղաքապետ Տիգրան Ավինյանը Մայրության և գեղեցկության տոնի առթիվ շնորհավորել է մանկապարտեզների ու դպրոցների տնօրեններին ու ուսուցիչներին:

Տոնական օրը նրանք միասին անցկացրել են «Սասունցի Դավիթ» բալետ-օրատորիայի ներկայացմանը: Քաղաքապետի խոսքով՝ շատ կարևոր է, որ երեխաները մեր մշակույթին ծանոթանան ոչ միայն դասագրքերով, այլև նման կենդանի ու բովանդակալից ներկայացումների միջոցով: