Բաքվում հայ և ադրբեջանցի ներկայացուցիչները «Խաղաղության կամուրջ» են փնտրում

Ադրբեջանում այսօր մեկնարկել է «Խաղաղության կամուրջ» նախաձեռնության շրջանակներում կազմակերպված կլոր սեղան։ Հանդիպմանը մասնակցում են ինչպես Հայաստանի, այնպես էլ Ադրբեջանի քաղաքացիական հասարակության ներկայացուցիչներ։

Չնայած նախաձեռնության պաշտոնական խաղաղասիրական նպատակներին, սոցիալական ցանցերում հանդիպումը միանշանակ չի ընդունվել։ Որոշ ալիքներ քննադատում են մասնակիցներին՝ նրանց այցը Բաքու որակելով որպես «արյունակից ախպերների հետ խաղաղություն քննարկելու» փորձ։ Այնուամենայնիվ, միջոցառումը շարունակվում է որպես երկխոսության հարթակ։