«Բարեկամական երկխոսությունից դուրս չենք գալու». Փաշինյանը՝ Պուտինի հետ հանդիպման մասին

Վարչապետ Նիկոլ Փաշինյանը կառավարության նիստից հետո անդրադարձել է ՌԴ նախագահի հետ ունեցած հանդիպմանը։ Նա նշել է, որ հարաբերությունները գտնվում են «կառուցողական տրանսֆորմացիայի» փուլում, ինչը դրական է գնահատում։

«Մենք բարեկամական երկխոսությունից դուրս չենք գալու»,- հավելել է վարչապետը՝ տեղեկացնելով, որ հաջորդ բարձր մակարդակի հանդիպումը նախատեսված է հունիսի երկրորդ կեսին։ Ինչ վերաբերում է ԵՄ-ԵԱՏՄ ընտրությանը, Փաշինյանը նշել է, որ դեռևս փորձում են համատեղել այդ ուղղությունները, իսկ եթե դա անհնար դառնա՝ որոշումը կկայացվի ժողովրդի հետ միասին։