Ինչո՞ւ չկայացավ ՀԱԿ-ի ու Սամվել Կարապետյանի դաշինքը. Լևոն Զուրաբյանի բացահայտումը

Հայ ազգային կոնգրեսի փոխնախագահ Լևոն Զուրաբյանը բացահայտել է, որ իրենք լուրջ բանակցություններ են վարել Սամվել Կարապետյանի ղեկավարած «Ուժեղ Հայաստան» շարժման հետ։ Ըստ Զուրաբյանի՝ դաշինք կազմելուն շատ քիչ էր մնացել, բայց վերջին պահին շրջադարձ է եղել։

«Մենք տարբեր պատկերացումներ ունեինք հաջողության հասնելու ուղիների մասին»,- նշել է նա։ Զուրաբյանի կարծիքով՝ եթե այս դաշինքը ստեղծվեր, ապա Հայաստանում իսկական հեղափոխական էֆեկտ կլիներ, ինչը կարևոր ազդակ կդառնար հատկապես այն մարդկանց համար, ովքեր դեռ չեն կողմնորոշվել իրենց ընտրության հարցում։