Իրանը կրակի տակ է. ԱՄՆ-ն ու Իսրայելը սկսել են ռմբակոծությունները

Իրավիճակը Մերձավոր Արևելքում հասել է պայթյունավտանգ կետի։ ԱՄՆ-ն ու Իսրայելը օդային լայնածավալ հարձակում են սկսել Իրանի տարածքում գտնվող թիրախների ուղղությամբ։

Ըստ վերջին տեղեկությունների՝ թիրախավորվել է Մահշահրում գտնվող Ամիր Քաբիր նավթաքիմիական գործարանը։ Պայթյունների ձայներ են լսվում նաև Սպահանում, Խուզեստանում ու Թավրիզում։ Իրանական լրատվամիջոցների փոխանցմամբ՝ հարվածներ են հասցվել նաև Բանդար Իմամ և Ֆաջր գործարաններին, ինչպես նաև Արաքի ալյումինի հսկա գործարանին։

Ուշագրավ է, որ այս ամենը տեղի է ունենում Դոնալդ Թրամփի կողմից Իրանին տրված վերջնագրի ժամկետի լրանալուց ընդամենը երեք ժամ առաջ։ ԱՄՆ ռազմաօդային ուժերի ութ տանկեր-ինքնաթիռներ արդեն թռիչքներ են իրականացնում տարածաշրջանի երկնքում։