Իրանը զգուշացնում է. «Այլևս զսպվածություն չենք ցուցաբերելու»

Իրանի Իսլամական հեղափոխության պահապանների կորպուսը (ԻՀՊԿ) կոշտ հայտարարություն է տարածել՝ ուղղված տարածաշրջանում ԱՄՆ գործընկերներին։ Թեհրանից հասկացնում են, որ մինչև հիմա իրենք բարիդրացիական հարաբերություններից ելնելով են զսպվածություն ցուցաբերել, բայց այդ ժամանակներն անցան։

«Այսուհետ բոլոր սահմանափակումները վերացվում են»,- ասված է հայտարարության մեջ։ Սա նշանակում է, որ Իրանն այլևս չի զգուշանալու թիրախներ ընտրելիս, եթե իր դեմ գործողություններ սկսվեն։ Հաշվի առնելով վերջին օրերի լարվածությունը՝ սա բավականին վտանգավոր ազդակ է ողջ տարածաշրջանի համար։