Մերձավոր Արևելքի թեժացումն ու բանակցային փակուղին. Թրամփն ու Արաղչին փոխադարձ մեղադրանքներ են հնչեցնում

Մերձավոր Արևելքում իրավիճակը մնում է ծայրահեղ լարված։ ԱՄՆ նախագահ Դոնալդ Թրամփը հայտարարել է, որ իրեն միևնույն է՝ Իրանը կվերադառնա՞ բանակցությունների սեղանի շուրջ, թե՞ ոչ, քանի որ, ըստ նրա, Իրանի ռազմական և հրթիռային ներուժը հիմնականում ոչնչացված է։

Ի պատասխան՝ Իրանի ԱԳ նախարար Աբբաս Արաղչին ԱՄՆ-ին մեղադրել է Իսլամաբադի բանակցությունները ձախողելու մեջ՝ պնդելով, որ կողմերը շատ մոտ են եղել համաձայնությանը, սակայն Վաշինգտոնի նոր պայմանները փակուղի են ստեղծել։

Միևնույն ժամանակ, Թուրքիայի ԱԳ նախարար Հաքան Ֆիդանը հույս է հայտնել, որ հնարավոր է հասնել 45-60 օրյա հրադադարի, թեև զգուշացրել է, որ Իսրայելը կարող է խաթարել գործընթացը։ Իսրայելական ուժերն արդեն սկսել են ցամաքային գործողություններ Լիբանանի Բինտ Ջբեյլ քաղաքի դեմ, որը համարվում է «Հեզբոլլահի» հենակետերից մեկը։