Ոստիկանությունը հերքում է. Քանաքեռում կրակոցներ չեն եղել

ՆԳՆ խոսնակ Նարեկ Սարգսյանը հայտարարություն է տարածել՝ հերքելով Քանաքեռում հնչած կրակոցների մասին լուրերը։ Օրերս որոշ ԶԼՄ-ներ «բացառիկ տեղեկություններ» էին հրապարակել, թե իբր կան վիրավորներ, իսկ ոստիկանությունը փորձում է կոծկել դեպքը նախարարի հրամանով՝ ընտրություններից առաջ ավելորդ աղմուկից խուսափելու համար։

«Քրեական ոստիկանության ստուգումների արդյունքում պարզվել է, որ լուրը իրականությանը չի համապատասխանում»,- նշել է Սարգսյանը։ Նա հորդորել է լրագրողներին հրապարակել միայն ճշտված տեղեկություններ և ապատեղեկատվություն տարածելով չանել անհիմն եզրակացություններ։