Պատգամավոր Արթուր Սարգսյանը կմնա տնային կալանքի տակ. դատարանը մերժել է բողոքը

Վերաքննիչ քրեական դատարանը որոշել է անփոփոխ թողնել ԱԺ պատգամավոր Արթուր Սարգսյանի նկատմամբ կիրառված խափանման միջոցը։ Պաշտպանական կողմի ներկայացրած բողոքը, որով պահանջվում էր վերանայել տնային կալանքի ժամկետը երկարաձգելու որոշումը, մերժվել է։

Հիշեցնենք, որ Սարգսյանը, ով «Սրբազան պայքար» շարժման ակտիվ մասնակիցներից է, մեղադրվում է Հայաստանում ահաբեկչություն պլանավորելու և իշխանությունը զավթելուն ուղղված գործողությունների մեջ։ Փաստաբան Էմին Խաչատրյանը հաստատել է, որ դատարանը հակված չէ փոխել իր դիրքորոշումը պատգամավորի նկատմամբ։