Պատրաստվե՛ք. Հայաստանում ձյուն ու ամպրոպ է սպասվում, ջերմաստիճանը կտրուկ կնվազի

Հայաստանի տարածքում եղանակը կտրուկ փոխվում է։ Ըստ օդերևութաբանների՝ ապրիլի 12-ի ցերեկը և 13-ին շրջանների մեծ մասում սպասվում են տեղումներ, ընդ որում՝ որոշ վայրերում դրանք կլինեն բավականին առատ։

Հատկապես ուշադիր պետք է լինել ապրիլի 13-ին. լեռնային և բոլոր նախալեռնային գոտիներում սպասվում է ձյուն, իսկ հովտային շրջաններում՝ անձրև ու ամպրոպ։ Ջերմաստիճանը նույնպես չի խնայելու՝ ապրիլի 13-ի ցերեկը և 14-ի գիշերը այն կնվազի 5-7 աստիճանով։

Սակայն լավ լուր էլ կա. ապրիլի 15-ից սկսած ջերմաստիճանը կտրուկ կբարձրանա՝ 9-13 աստիճանով, այնպես որ ցուրտը երկար չի տևի։