Պատրաստվեք եղանակային «ռոկիրովկաներին». սկզբում կցրտի, հետո կտրուկ կտաքանա

Սիրելի հայրենակիցներ, «Հիդրոօդերևութաբանության և մոնիթորինգի կենտրոնից» տեղեկացնում են, որ առաջիկա օրերին եղանակը բավականին անկանխատեսելի է լինելու։ Եթե արդեն հասցրել եք հանել ամառային հագուստները, ապա մի շտապեք։

Ապրիլի 13-ի ցերեկը և 14-ի գիշերը սպասվում է ջերմաստիճանի նվազում 5-7 աստիճանով։ Սակայն սա ընդամենը կարճատև դադար է լինելու։

Արդեն ապրիլի 15-ից 17-ը ջերմաստիճանը կտրուկ կբարձրանա՝ ցերեկային ժամերին ավելանալով 9-13 աստիճանով։ Այնպես որ, պատրաստվեք ջերմաստիճանի այսպիսի տատանումներին և հետևեք ձեր առողջությանը։