Թրամփն ու Իրանը պայմանավորվել են. Հորմուզի նեղուցը կբացվի

Աշխարհը շունչը պահած սպասում է նոր զարգացումներին։ Սպիտակ տան խոսնակ Քերոլայն Լևիթը հայտարարել է, որ նախագահ Թրամփին ու ԱՄՆ զինված ուժերին հաջողվել է ընդհանուր լեզու գտնել Իրանի հետ։ Խոսքը ռազմավարական նշանակություն ունեցող Հորմուզի նեղուցի բացման մասին է։

Թեև վերջնական որոշումը դեռ պաշտոնապես չի հրապարակվել, բայց կողմերը հասել են նախնական համաձայնության։ Ըստ Լևիթի՝ բանակցությունները դեռ ընթացքի մեջ են, իսկ վերջնական կետը կդնի կա՛մ անձամբ Թրամփը, կա՛մ Սպիտակ տան պաշտոնական հաղորդագրությունը։

Սա կարող է լրջորեն փոխել տարածաշրջանային իրավիճակն ու տնտեսական պատկերը, քանի որ նեղուցի փակ լինելը մեծ հարված էր նավթի համաշխարհային շուկային: