Ընդդիմությունը ահազանգում է. «Ռեժիմի համար տարբերություն չկա՝ անչափահաս, թե հոգևորական»

Հայաստանում ներքաղաքական լարվածությունը նոր թափ է ստանում։ Պատգամավոր Տիգրան Աբրահամյանը հայտարարել է, որ գործող իշխանությունների համար այլևս «կարմիր գծեր» չկան. բռնաճնշումների թիրախում են հայտնվում թե՛ անչափահասները, թե՛ կերակրող մայրերն ու հոգևորականները։

Միևնույն ժամանակ, «ՀայաՔվե» նախաձեռնությունը խստիվ դատապարտել է Դավիթ Մինասյանի նկատմամբ իրականացվող հետապնդումները՝ դրանք որակելով որպես իշխող վարչախմբի հերթական ապօրինություն։

Փորձագիտական շրջանակներից էլ զգուշացնում են, որ վերջին շրջանում քրեական գործերի հիմքում հաճախ դրվում են կեղծված ձայնագրություններն ու տեսանյութերը։ Նրանց պնդմամբ՝ մարդկանց պատասխանատվության են ենթարկում չարածի համար, ու սա իրավական հարց չէ, այլ բացահայտ քաղաքական հետապնդում։