Եվրոպան պետք է ճնշի Բաքվին՝ գերիներին ազատ արձակելու համար

Եվրախորհրդարանի պատգամավոր և Հայաստանի հարցերով զեկուցող Միրիամ Լեքսմանը հերթական անգամ բարձրացրել է հայ ռազմագերիների հրատապ հարցը։ Նա շեշտել է, որ Եվրամիությունն ու Միացյալ Նահանգները պարզապես պարտավոր են գործուն ճնշում գործադրել Բաքվի վրա։

Ըստ պատգամավորի՝ միայն հայտարարությունները բավարար չեն Ադրբեջանի իշխանություններին սթափեցնելու և ապօրինաբար պահվող հայերին տուն վերադարձնելու համար։ Լեքսմանը կարծում է, որ միջազգային հանրությունը պետք է ավելի վճռական լինի մարդու իրավունքների պաշտպանության հարցում։