Լուրեր
Գարեգին Բ-ն ահազանգում է. «Հայաստանն ու Սփյուռքը պառակտված են, պետականությունը՝ վտանգված»
Ամենայն Հայոց Կաթողիկոսը Փարիզի համաժողովի ժամանակ կոչ է արել համախմբել ողջ ներուժը՝ հանուն հայրենիքի փրկության։
Today News
12.04.2026 16:30
Ամենայն Հայոց Կաթողիկոս Գարեգին Բ-ն Փարիզում ընթացող համաժողովի մասնակիցներին ուղղված իր խոսքում անդրադարձել է երկրի ներքին ու արտաքին ծանր մարտահրավերներին։ Նրա խոսքով՝ այսօր հայ ժողովուրդը կանգնած է լուրջ փորձությունների առաջ, իսկ հասարակության մեջ տիրող պառակտվածությունն ու ատելությունը ծայրահեղ մտահոգիչ են։
«Հայաստան-Սփյուռք հարաբերությունները խաթարված են, իսկ ազգային կառույցները դարձել են թիրախավորված հարձակումների օբյեկտ»,- նշել է Վեհափառը։ Նա շեշտել է, որ առանց հզոր հայրենիքի Սփյուռքը միշտ խոցելի կլինի, իսկ առանց Սփյուռքի նվիրումի՝ հայրենիքը կմնա թույլ։
Կաթողիկոսը կոչ է արել բոլորին միավորվել ազգային արժեքների շուրջ և գործուն քայլեր ձեռնարկել՝ կանխելու պետականության համար կործանարար երևույթները։
Աղբյուր՝ reartsakh
Share:
