Հիքմեթ Հաջիևը խոսել է Հայաստանի հետ առևտրի և Ադրբեջանով տարանցիկ փոխադրումների մասին

Ադրբեջանի նախագահի օգնական Հիքմեթ Հաջիևը պատասխանել է հայկական պատվիրակության հարցերին։ Ըստ ադրբեջանական աղբյուրների՝ հիմնական շեշտը դրվել է տնտեսական հարաբերությունների զարգացման վրա։

Հաջիևը կարևորել է Ադրբեջանի տարածքով դեպի Հայաստան ապրանքների մատակարարման հնարավորությունը և TRIPP նախագծի իրականացումը, որը կարող է լիովին փոխել տարածաշրջանի տրանսպորտային և ընդհանուր դինամիկան։

Բացի այդ, շեշտադրվել է երկկողմ բանակցությունների շարունակականության և քաղաքացիական հասարակությունների միջև վստահության ամրապնդման անհրաժեշտությունը։