Իրանն ու ԱՄՆ-ը լեզու են գտնում. Հորմուզի նեղուցը բացվում է, սպասվում են բանակցություններ

Մերձավոր Արևելքում իրավիճակը կարծես թե դեպի լիցքաթափում է գնում։ Իրանի արտաքին գործերի նախարար Աբբաս Արաղչին հայտարարել է, որ Թեհրանը երկու շաբաթով բացում է ռազմավարական նշանակություն ունեցող Հորմուզի նեղուցը նավերի անցման համար։ Թեև կան տեխնիկական սահմանափակումներ ու պետք է համակարգել զինված ուժերի հետ, սա լուրջ քայլ է առաջ։

Բացի այդ, հայտնի է դարձել, որ Իսլամաբադում սպասվում են բարձր մակարդակի բանակցություններ։ Իրանական կողմը կներկայացնի խորհրդարանի նախագահ Մոհամմադ Բաքեր Քալիբաֆը, իսկ ամերիկյան կողմից հանդես կգա փոխնախագահ Ջեյ Դի Վենսը։ Փորձագետները նշում են, որ այս դիմակայությունից առայժմ ամենաշատը շահել է Պեկինը, իսկ Ռուսաստանը, ի դեմս Մարիա Զախարովայի, շարունակում է պնդել, որ հարցը միայն դիվանագիտական լուծում ունի։