Լուրեր
Ջերմուկի խաչմերուկից Սարավան ճանապարհը բացվել է. քարաթափումն արդեն մաքրել են
Վայոց Ձորում տեղի ունեցած քարաթափման հետևանքով ճանապարհը ժամանակավորապես միակողմանի էր դարձել:
Today News
14.04.2026 15:15
Այսօր ցերեկը՝ ժամը 14:17-ի սահմաններում, Վայոց Ձորի մարզային փրկարարական ծառայությունը ահազանգ է ստացել, որ Ջերմուկի խաչմերուկից դեպի Սարավան տանող ավտոճանապարհին քարաթափում է տեղի ունեցել։ Խոշոր քարերը փակել էին երթևեկելի գոտին, ինչի պատճառով ճանապարհը դարձել էր միակողմանի երթևեկելի։
Փրկարարները արագ հասել են դեպքի վայր և հեռացրել քարերը ճանապարհից։ ՆԳՆ փրկարար ծառայությունից հայտնում են, որ երթևեկությունը արդեն լիովին վերականգնվել է և ճանապարհը երկկողմանի բաց է տրանսպորտային միջոցների համար։
Աղբյուր՝ arajinTV
Share:
