Խոշոր վթար Երևանում. Բեռնատարը շրջվել է, սյունն ընկել է մարդատարի վրա

Այսօր Երևանում արտակարգ ու ծանր դեպք է գրանցվել։ Խոշոր բեռնատարը, դեռևս անհայտ հանգամանքներում, կողաշրջվել է։ Հարվածն այնքան ուժգին է եղել, որ ճանապարհի երկաթբետոնե սյունը տապալվել ու ընկել է մոտակայքում գտնվող մարդատար ավտոմեքենայի վրա։

Նախնական տեղեկություններով՝ վթարի հետևանքով կան վիրավորներ, որոնց տեղափոխել են հիվանդանոց։ Դեպքի վայրում աշխատում են փրկարարներն ու պարեկները՝ փորձելով վերացնել վթարի հետևանքները և պարզել պատճառները։