«Լազարևյան ակումբը»՝ Զորի Բալայանի մասին. Դավաճանությունն ու Արցախի կորուստը նրա համար ծանր հարված էին

«Լազարևյան ակումբը» հանդես է եկել հայտարարությամբ՝ նվիրված Զորի Բալայանի հիշատակին։ Ըստ ակումբի անդամների՝ Բալայանի համար ամենադառը հարվածն Արցախի հայաթափումն ու հանրապետության կործանումն էր։

«Զորիի համար դավաճանությունից ավելի ծանր բան չէր կարող լինել, նա դա տեսավ, սակայն չկարողացավ կանխել»,- նշված է հայտարարության մեջ։ Նշվում է, որ նրա կյանքի վերջին ամիսներն ու օրերը մթագնեցին հայրենիքի կորստի ու հայ բնակչության արտագաղթի ցավով։