Ոստիկանական ավտոբուսի ու «Նիսսան»-ի վթարի գործով քրեական վարույթ է նախաձեռնվել

Մարգարա-Վանաձոր-Տաշիր ճանապարհին տեղի ունեցած աղմկահարույց վթարի փաստով քրեական վարույթ է սկսվել։ Խոսքը ոստիկանության գվարդիայի «Հյունդայի» ավտոբուսի և «Նիսսան» մակնիշի ավտոմեքենայի բախման մասին է։

Քննչական կոմիտեն հայտնում է, որ դեպքի վայրի զննությամբ պարզվել է՝ «Նիսսան»-ն է դուրս եկել հանդիպակաց գոտի ու բախվել ավտոբուսին։ Ինչ վերաբերում է այն լուրերին, թե ավտոբուսը ուղեկցում էր Նիկոլ Փաշինյանի շարասյանը, ՔԿ-ն դա ապատեղեկատվություն է որակում՝ նշելով, որ ոստիկանները պարզապես Լոռի էին մեկնում ծառայության իրականացման համար։

Մինչդեռ «Ուժեղ Հայաստան» կուսակցության անդամ Գոհար Ղումաշյանը պնդում է հակառակը՝ ավտոբուսը հենց ՔՊ-ականների անվտանգ երթն ապահովելու համար էր մեկնում Լոռու մարզ։