«Փոփոխության ժամանակը եկել է». Սամվել Կարապետյանը կոչ է անում հեռացնել իշխանությանը

«Ազգային միասնություն» կուսակցության առաջնորդ Սամվել Կարապետյանը հանդես է եկել տեսաուղերձով՝ հայտարարելով, որ Հայաստանում փոփոխությունների ժամանակը հասունացել է։ Նրա խոսքով՝ արդարությունը հաղթելու է, իսկ ժողովուրդը պետք է դառնա այն ուժը, որը կփոխի երկրի ընթացքը։

«Մի՞թե մենք թույլ ենք տալու, որ Փաշինյանը ևս մեկ պատերազմ պարտվի»,- նշել է Կարապետյանը՝ շեշտելով, որ գործող վարչապետը զոհաբերում է պետականության հիմքերը սեփական տեղը պահելու համար։ Կարապետյանը կոչ է արել պատրաստվել ընտրություններին և հեռացնել այն խմբին, որը «պատվազրկում է ժողովրդին»։