Ռուբեն Ռուբինյանը սպառնում է «կալուգացի օլիգարխի» թիմին. «Բոլորդ ձերբակալվելու եք»

Ազգային ժողովի փոխնախագահ Ռուբեն Ռուբինյանը կոշտ հայտարարությամբ է հանդես եկել՝ թիրախավորելով այսպես կոչված «կալուգացի օլիգարխի» (Սամվել Կարապետյանի) թիմին։ Ըստ Ռուբինյանի՝ նրանք հերթական անգամ բռնվել են ընտրակաշառք բաժանելու վրա։

«Գործ ունենք մի ուժի հետ, որը հստակ և նպատակաուղղված ուղարկվել է Հայաստան, որպեսզի գողանա մեր ընտրությունները»,- ասել է նա։ Ռուբինյանը նաև զգուշացրել է, որ ցանկացած ոք, ով կփորձի ընտրակաշառք տալ կամ խախտել բարեգործության արգելքը, անխուսափելիորեն ձերբակալվելու է՝ անկախ սեռից, տարիքից կամ ընտանեկան կարգավիճակից։