Սամվել Կարապետյանը մտնում է քաղաքականություն. բիզնեսը հանձնեց երեխաներին

Հայտնի գործարար Սամվել Կարապետյանը հայտարարել է իր կյանքի նոր փուլի մասին։ Նա իր խոշորագույն բիզնեսի կառավարումը պաշտոնապես փոխանցում է զավակներին, որպեսզի իր ողջ ժամանակն ու եռանդը նվիրի Հայաստանին ծառայելուն։

Ազատության հրապարակում և տարբեր հարթակներում հնչած իր ելույթներում Կարապետյանը չի խնայել քննադատական խոսքերը գործող իշխանությունների հասցեին։ «Փաշինյանը հիմա ամեն ինչ զոհաբերում է հանուն իր աթոռի, իսկ մենք պատրաստ ենք զոհաբերել ամեն ինչ հանուն Հայաստանի»,- նշել է նա։

Կարապետյանը նաև մտահոգություն է հայտնել դասագրքերի «ադրբեջանացման» և պահանջատիրությունից հրաժարվելու վերաբերյալ՝ շեշտելով, որ փոփոխությունների ժամանակը եկել է և ուժեղ Հայաստանը շուտով իրականություն կդառնա։ Նա նաև ակնարկել է իր «կալանքի» ավարտի մասին՝ խոստանալով, որ Հայաստանը կդառնա աշխարհի լավագույն երկրներից մեկը։