Թրամփը հայտարարում է Իրանի «կործանման» մասին, իսկ փորձագետները խոսում են գաղտնի բանակցություններից

Իրան-ԱՄՆ հարաբերությունների շուրջ իրավիճակը թեժանում է, բայց տեղեկությունները շատ հակասական են։ Դոնալդ Թրամփը իր հերթական սկանդալային հայտարարությունն է արել՝ պնդելով, թե Միացյալ Նահանգները «լրիվ ոչնչացրել է» իրանական բանակը, նավատորմն ու ռազմաօդային ուժերը։ Ըստ նրա՝ Հորմուզի նեղուցը շուտով կբացվի ամերիկյան նավերի համար։

Սակայն իրանագետ Վարդան Ոսկանյանը նշում է, որ իրականում ամեն ինչ այդքան պարզ չէ։ Նրա խոսքով՝ կողմերի միջև ընթանում են խիստ գաղտնի և փակ բանակցություններ, որոնց մասին պաշտոնական աղբյուրները լռում են։ Թե ինչ է կատարվում իրականում սեղանի տակ, դեռ պարզ չէ, բայց Թրամփի հայտարարությունները փորձագետը համարում է հակասական տեղեկատվության մի մաս։