Թրամփի սպառնալիքներն ու Իրանի միջուկային վառելիքը․ ԱՄՆ-ն կոշտացնում է տոնը

Աշխարհը նորից սկսել է խոսել ուժի լեզվով։ Դոնալդ Թրամփը հայտարարել է, որ ԱՄՆ զինուժը կմնա իր տեղում, քանի դեռ բոլոր համաձայնագրերը լիարժեք չեն կատարվել։ Նա նույնիսկ ակնարկել է, որ եթե ինչ-որ բան այնպես չգնա, կսկսվի մի հրաձգություն, որը «ավելի ուժգին կլինի, քան որևէ մեկը երբևէ տեսել է»։

Միաժամանակ, ԱՄՆ փոխնախագահ Ջեյ Դի Վենսը պատրաստվում է Պակիստանում կայանալիք բանակցություններին, որտեղ Իրանից պահանջելու են հանձնել իրենց կուտակած ողջ միջուկային վառելիքը։ Իսկ մյուս կողմից՝ ԱՄՆ-ն եվրոպացի դաշնակիցներից պահանջում է կոնկրետ պլաններ՝ Հորմուզի նեղուցի անվտանգությունն ապահովելու համար։