Վերին Լարսը փակ է. ձյունն ու բուքը կտրել են ճանապարհները

Վատ եղանակային պայմանների պատճառով Վերին Լարսի անցակետը փակվել է բոլոր տեսակի տրանսպորտային միջոցների համար։ Փրկարար ծառայությունից հայտնում են, որ սահմանափակումները պայմանավորված են առատ տեղումներով և անվտանգության նկատառումներով։

Բացի այդ, Հայաստանի ներսում ևս կան դժվարանցանելի հատվածներ։ Մասնավորապես, Արագածոտնի մարզում փակ են «Ամբերդ» օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները։ Վարորդներին հորդորում ենք լինել ծայրահեղ զգոն և երթևեկել բացառապես ձմեռային անվադողերով։