Վատ եղանակի պատճառով Նինոծմինդայի անցակետը փակվել է. ՊԵԿ-ը զգուշացնում է վարորդներին

Վրացական «Նինոծմինդա» սահմանային անցակետը ժամանակավորապես փակվել է եղանակային անբարենպաստ պայմանների պատճառով։ Պետական եկամուտների կոմիտեն հորդորում է բեռնատարների վարորդներին օգտվել Բագրատաշենի և Գոգավանի մաքսային անցման կետերից։

Նշվում է, որ Բավրայի անցակետը ներկա պահին բաց է միայն մարդատար ավտոմեքենաների համար։ Վարորդներին խնդրում են լինել ուշադիր և հետևել պաշտոնական լրահոսին՝ հետագա խցանումներից խուսափելու համար։