ԱՄՆ-ն ու Իրանը բանակցությունների սեղան են նստում. Իսլամաբադում կարևոր հանդիպում է սպասվում

Մերձավոր Արևելքում իրավիճակը կարող է կտրուկ շրջադարձ ունենալ։ Ըստ Axios-ի տվյալների՝ ԱՄՆ-ի և Իրանի միջև բանակցությունների առաջին փուլը նախատեսված է ապրիլի 10-ին Իսլամաբադում։ Այս գործընթացում մեծ դեր է խաղացել Չինաստանի միջնորդությունը։

Իրանի արտգործնախարարն արդեն հայտարարել է, որ եթե հարձակումները դադարեն, իրենք էլ կդադարեցնեն պաշտպանական գործողությունները։ Դոնալդ Թրամփն իր հերթին սոցցանցերում կիսվել է այս հայտարարությամբ ու նշել, որ սա կարող է լինել տարածաշրջանի «ոսկե դարը»։

Սակայն ամեն ինչ հարթ չէ։ Մինչ Պենտագոնի ղեկավար Փիթ Հեգսեթը Թրամփին զեկուցում էր, թե ԱՄՆ-ն լիակատար վերահսկում է իրանական երկինքը, The Washington Post-ը հայտնում է ամերիկյան F-15E կործանիչի խոցման մասին։ Բացի այդ, հրադադարի համաձայնությունից ժամեր անց հաղորդվել է Երուսաղեմի ուղղությամբ իրանական հրթիռների որսման մասին։

Հայ փորձագետները նշում են, որ այս բանակցությունները կարող են էական ազդեցություն ունենալ նաև Հայաստանի անվտանգային միջավայրի վրա։