Բաքվից վերադարձած պատվիրակությունը խոսել է. խաղաղության ճակատագիրը կախված է ընտրություններից

Բաքու մեկնած հայկական պատվիրակությունը վերադարձել է ու այսօր հանդես եկել ասուլիսով։ Քաղհասարակության ներկայացուցիչ Արեգ Քոչինյանի խոսքով՝ այս պահին խաղաղության գործընթացի վրա ազդող ամենամեծ գործոնը Հայաստանի սպասվող խորհրդարանական ընտրություններն են։

«Ադրբեջանական կողմին չափազանց հետաքրքիր է, թե ինչ է սպասվում Հայաստանին առաջիկա խորհրդարանական ընտրություններում, որովհետև խաղաղության գործընթացի ապագան հենց այդ փոփոխականից է կախված»,- նշել է Քոչինյանը։

Ըստ նրա՝ եթե ընտրությունները լինեին Ադրբեջանում, ապա դա կլիներ հիմնական հարցը, բայց հիմա բոլոր հայացքները սևեռված են Երևանի վրա, քանի որ հենց ընտրությունների արդյունքն է որոշելու հետագա քայլերը։