Էրդողանը չի բացառում Իսրայելի դեմ ռազմական գործողությունները

Թուրքիայի նախագահ Ռեջեփ Թայիփ Էրդողանը հերթական կոշտ հայտարարությունն է արել Իսրայելի հասցեին։ Նա չի բացառել ռազմական գործողությունների հնարավորությունը, ընդհուպ մինչև զորքերի տեղակայում տարածաշրջանում։

Ըստ The Jerusalem Post-ի՝ Անկարան նման քայլի կարող է դիմել՝ թույլ չտալու պաղեստինցիների զանգվածային տեղահանությունը։ Սա կարող է լրջորեն սրել իրավիճակը Մերձավոր Արևելքում, հաշվի առնելով Թուրքիայի դիրքը ՆԱՏՕ-ում։