Եվրահանձնաժողովը պետք է դադարի Ալիևի առաջ աչք փակել․ ֆրանսիացի պատգամավոր

Եվրախորհրդարանի պատգամավոր Ֆրանսուա-Քսավյե Բելամին հայտարարել է, որ Եվրամիությունը պետք է վերջապես սթափվի ու տեսնի Ալիևի ռեժիմի իրական դեմքը։ Ըստ նրա՝ Բաքվում պահվող հայ գերիների հարցը քաղաքական վրեժխնդրություն է։

«Եվրահանձնաժողովը շարունակում է իրականության ժխտման քաղաքականությունը՝ Ադրբեջանին վերաբերվելով որպես հուսալի գործընկերոջ։ Սա անընդունելի է»,- նշել է պատգամավորը։ Նա շեշտել է, որ պետք է կոնկրետ ճնշումներ գործադրել գերիներին ազատելու համար, քանի որ Բաքվի դատավճիռները որևէ իրավական հիմք չունեն։