Գյումրու ավագանու անդամը «հիվանդ է» նիստերի համար, բայց ՔՊ-ի քարոզարշավին ակտիվ է

Գյումրիում հետաքրքիր իրավիճակ է ստեղծվել։ Գյումրու քաղաքապետի ժամանակավոր պաշտոնակատար Ավետիս Առաքելյանը հայտնել է, որ ավագանու անդամ Սարիկ Մինասյանը տարվա սկզբից նիստերին չի մասնակցում։ Պատճառը «բժշկի թուղթն» է. ՔՊ խմբակցությունը պոլիկլինիկայից տեղեկանք է ներկայացրել, թե Մինասյանն առողջական խնդիրներ ունի։

Սակայն, ինչպես երևում է տարածված կադրերից, «առողջական խնդիրները» չեն խանգարում նրան ակտիվորեն մասնակցել ՔՊ-ի քարոզարշավին։ Մինասյանին նկատել են Նիկոլ Փաշինյանի հետ նույն ավտոբուսում՝ մարզերով շրջելիս։ Ստացվում է՝ ավագանու նիստերին մասնակցելու համար առողջությունը չի ներում, բայց քաղաքական քարոզչության համար ուժերը լիովին բավարարում են։