Հզոր պայթյուն Վլադիկավկազում. հրավառության պահեստ է օդ բարձրացել

Վլադիկավկազում այսօր առավոտյան հզոր պայթյուն է որոտացել, որը լուրջ իրարանցում է առաջացրել քաղաքում։ Նախնական տվյալներով՝ պայթել է հրավառության պարագաների պահեստը։

Համացանցում հայտնված տեսանյութերում երևում է, թե ինչպես է հսկայական ծուխն ու կրակը պատել տարածքը, իսկ պայթյունի ձայները լսելի են եղել հեռվից։ Այս պահին տեղում աշխատում են հրշեջ-փրկարարական ջոկատները։ Տուժածների մասին հստակ տեղեկություններ դեռ չկան։