Լուրեր
Իրանն ու ԱՄՆ-ն Իսլամաբադում են. սպասվում են կարևոր բանակցություններ
Իրանի ԱԳ նախարարն արդեն տեղում է, իսկ ԱՄՆ փոխնախագահ Ջեյ Դի Վենսը ճանապարհին է։
Today News
10.04.2026 20:15
Իսլամաբադում թեժ դիվանագիտական իրադարձություններ են սպասվում։ Իրանի պատվիրակությունը՝ արտաքին գործերի նախարար Աբբաս Արաղչիի գլխավորությամբ, արդեն ժամանել է Պակիստան։ Նրանց ինքնաթիռը վայրէջք է կատարել Իսլամաբադի մոտակայքում գտնվող «Նուր Խան» ռազմաբազայում։ Հիմնական նպատակը ԱՄՆ ներկայացուցիչների հետ խաղաղության բանակցություններ վարելն է։
Մյուս կողմից, ամերիկյան կողմը նույնպես պատրաստվում է հանդիպմանը։ ԱՄՆ փոխնախագահ Վենսին տեղափոխող Air Force Two ինքնաթիռը վայրէջք է կատարել Փարիզում՝ վառելիք լցնելու համար, որից հետո կուղղվի դեպի Պակիստան։
Այս բանակցությունների ֆոնին Թեհրանը հստակ ուղերձ է հղում աշխարհին. Իրանը չի պատրաստվում հրաժարվել Հորմուզի նեղուցի վերահսկողությունից։ Իրանագետները նշում են, որ սա բավականին բարդ բանակցային փուլ է լինելու, որտեղ կողմերը փորձելու են գտնել ընդհանուր եզրեր տարածաշրջանային կայունության համար։
Աղբյուր՝ twentyfournews, arajinTV
Share:
