Խոշոր վթար Սիսիան-Գորիս ճանապարհին. բեռնատարը հայտնվել է դաշտում

Այսօր առավոտյան արտակարգ դեպք է տեղի ունեցել Սյունիքի մարզում։ Սիսիան-Գորիս ճանապարհահատվածում կցորդով բեռնատարը դուրս է եկել երթևեկելի գոտուց և հայտնվել դաշտամիջյան հատվածում։

Վթարի հետևանքով վարորդը ստացել է մարմնական վնասվածքներ և շտապօգնության մեքենայով հոսպիտալացվել է։ Դեպքի վայրում աշխատում են իրավապահները՝ պարզելու վթարի հստակ հանգամանքները։