Մարզպետը «ցուցակներ» է ուզում. իշխանական ճնշումները դպրոցներում թեժանում են

Նախընտրական կրքերը մարզերում նոր թափ են ստանում։ Ըստ շրջանառվող տեղեկությունների՝ մարզպետներից մեկն անձամբ է զբաղվում դպրոցների ու մանկապարտեզների տնօրենների «հրահանգավորմամբ»։

Պահանջվում են հստակ ցուցակներ՝ ովքեր են ընտրելու իշխող կուսակցությանը, և ովքեր են «կասկածելիները»։ Տնօրեններին դրել են ընտրության առաջ՝ կա՛մ համոզել մարդկանց, կա՛մ ազատել աշխատանքից։

Սրան զուգահեռ՝ ընդդիմադիր պատգամավոր Տիգրան Աբրահամյանը հիշեցնում է, որ այս իշխանության հիմքում ութ տարի շարունակ եղել է միայն սուտն ու կեղծիքը։