Նախկինների «որսը» շարունակվում է. ձերբակալվել են Արման Սահակյանն ու Արտեմ Ասատրյանը

Այսօր իրավապահները լուրջ գործողություններ են իրականացրել։ Հակակոռուպցիոն կոմիտեի կողմից ձերբակալվել է Պետական գույքի կառավարման վարչության նախկին պետ Արման Սահակյանը, ով ԱԺ նախկին նախագահ Գալուստ Սահակյանի որդին է։

Բացի այդ, շրջանառվող լուրերի համաձայն՝ ձերբակալվածների թվում է նաև Աշխատանքի և սոցիալական հարցերի նախկին նախարար Արտեմ Ասատրյանը։ Քրեական վարույթը վերաբերում է պաշտոնեական դիրքի հնարավոր չարաշահումներին և այլ հանցավոր արարքներին։ Կոմիտեն հաստատել է, որ ձերբակալվել են մի շարք նախկին բարձրաստիճան պաշտոնյաներ։