Ողբերգական ավտովթար Շիրակում. 5 զոհ, 3 երեխա հիվանդանոցում է

Այսօր առավոտյան սարսափելի դեպք է տեղի ունեցել Շիրակի մարզում։ Արմավիր-Գյումրի ավտոճանապարհին՝ Աղին բնակավայրի մոտ, իրար են բախվել BMW և Opel մակնիշի ավտոմեքենաները։

Ցավոք, հարվածն այնքան ուժգին է եղել, որ 5 հոգի տեղում մահացել են։ Դեպքի վայր ժամանած փրկարարները մեքենաներից դուրս են բերել նաև երեք երեխաների, որոնց շտապ տեղափոխել են բժշկական կենտրոն։ Մեքենաները բախման հետևանքով կողաշրջվել են։ Այս պահին տեղում աշխատում են իրավապահներն ու փրկարարները՝ վթարի հանգամանքները վերջնական պարզելու համար։