Ողբերգական ավտովթար Շիրակում. 6 զոհ, որոնցից երկուսը՝ երեխաներ

Շիրակի մարզի Աղին բնակավայրի մոտակայքում այսօր սարսափելի ավտովթար է տեղի ունեցել։ Բախվել են «BMW» և «Opel» մակնիշի մեքենաները, ինչի հետևանքով գրանցվել է 6 զոհ։

Առողջապահության նախարարության տվյալներով՝ պատահարի հետևանքով տուժել է 11 քաղաքացի։ Ցավոք, հիվանդանոց տեղափոխված 5 երեխաներից երկուսի կյանքը փրկել չի հաջողվել։ Այս պահին կազմակերպվում է ևս 3 երեխայի տեղափոխումը Երևանի մասնագիտացված բժշկական կենտրոններ։

Մյուս տուժածների վիճակը գնահատվում է ծանր և ծայրահեղ ծանր, նրանք գտնվում են վերակենդանացման բաժանմունքում։ Բժիշկները պայքարում են նրանց կյանքի համար։