Ողբերգական վթար Կոլումբիայում. ավտոբուսի շրջվելու հետևանքով կան զոհեր և վիրավորներ

Կոլումբիայի Իբագե քաղաքի մոտակայքում սարսափելի ավտովթար է տեղի ունեցել։ Մեդելյինից Ֆլորենսիա ուղևորվող Coomotor ընկերության ավտոբուսի վարորդը կորցրել է կառավարումը, ինչի հետևանքով մեքենան շրջվել է։

Վթարի պահին ավտոբուսում եղել է 29 մարդ։ Վերջին տվյալներով՝ 6 մարդ զոհվել է, իսկ 22-ը ստացել են տարբեր աստիճանի մարմնական վնասվածքներ։ Բոլոր վիրավորները տեղափոխվել են տեղի բժշկական կենտրոններ։