Ռոբերտ Քոչարյանի հանդիպումը երիտասարդների հետ. Կրթությունից մինչև թմրամոլության դեմ պայքար

ՀՀ երկրորդ նախագահ Ռոբերտ Քոչարյանը հանդիպել է երիտասարդների հետ և անդրադարձել մի շարք առանցքային հարցերի: Խոսելով ժամանակակից կրթության մասին՝ նախագահը նկատել է, որ այսօրվա «այֆոնների» դարաշրջանում անիմաստ է ամբողջ ինֆորմացիան հիշելը, ինչը փոխում է կրթված մարդու մասին պատկերացումները:

Քոչարյանը նաև մտահոգություն է հայտնել երկրում թմրամոլության ահագնացող ծավալների վերաբերյալ: Նա նշել է, որ չի հավատում, թե առանց ամենաբարձր մակարդակով հովանավորչության այս խնդիրը կարող էր նման մասշտաբների հասնել: Ըստ շրջանառվող լուրերի՝ իշխող ՔՊ-ն բավականին ծանր է տարել երկրորդ նախագահի այս հանդիպումը, հատկապես այն ֆոնին, որ երիտասարդների մի մասը, ովքեր կարող էին ներկա լինել, այսօր ննջում են Եռաբլուրում՝ գործող իշխանությունների վարած քաղաքականության պատճառով: