Թոշակների 50% աճ և «շքեղության հարկ». «Հայաստան» դաշինքը ներկայացրեց իր ծրագիրը

«Հայաստան» դաշինքի անդամները ներկայացրել են իրենց նախընտրական սոցիալ-տնտեսական առաջնահերթությունները։ Պատգամավոր Արծվիկ Մինասյանի խոսքով՝ իրենց իշխանության գալու դեպքում կենսաթոշակները կբարձրանան 50%-ով, իսկ ծայրահեղ աղքատ ընտանիքների կոմունալ ծախսերը կփոխհատուցվեն պետության կողմից։

Ծրագրի կարևոր կետերից մեկը «շքեղության հարկի» ներդրումն է. հարուստները կվճարեն ավելի շատ՝ հոգալու ցածր եկամուտ ունեցողների կարիքները։ Բացի այդ, նախատեսվում է եկամտահարկի նվազում՝ սկսած երկրորդ երեխայից, և բնակարանային աջակցություն բազմազավակների ու արցախցիների համար։

Նշենք նաև, որ երկրորդ նախագահ Ռոբերտ Քոչարյանն այսօր այցելել է դաշինքի կենտրոնական գրասենյակ՝ ծանոթանալու նախապատրաստական աշխատանքներին։