Լուրեր
Թրամփը վստահ է՝ Իրանի բանակն էլ չկա, գործարքի համար էլ մեկ պայման ունի
ԱՄՆ նախագահը հայտարարել է, որ Իրանի հետ ցանկացած համաձայնության հիմքում պետք է լինի միջուկային զենքի բացակայությունը։
Today News
10.04.2026 22:15
ԱՄՆ նախագահ Դոնալդ Թրամփը բավականին կոշտ ու ինքնավստահ հայտարարություններ է արել Իրանի վերաբերյալ։ Ըստ նրա՝ Իրանի հետ «լավ գործարքի» գլխավոր ու գրեթե միակ պայմանը միջուկային զենքի լիակատար բացակայությունն է։ Թրամփի խոսքով՝ եթե այս հարցը լուծվի, ապա գործարքի 99%-ը կարելի է համարել արված։
Բացի այդ, Թրամփը նշել է, որ Վաշինգտոնին Իրանի հարցով ոչ մի «պահեստային ծրագիր» պետք չէ։ Նա պնդում է, որ իրանական բանակը գործնականում ոչնչացված է, իսկ նրանց հրթիռային պաշարներն ու արտադրական հզորությունները հասցվել են նվազագույնի։ «Մեր բանակը հիանալի աշխատանք է կատարել, նրանց հզոր հարված ենք հասցրել»,- ասել է նա՝ հավելելով, որ Իրանում ռեժիմի փոփոխությունն արդեն իսկ իրողություն է։
Աղբյուր՝ arajinTV
Share: