Թրամփի «խաղաղության միջանցքը»՝ Ալիևի թակա՞րդ. Middle East Forum-ի սկանդալային վերլուծությունը

Middle East Forum-ը բավականին կոշտ ու անկեղծ վերլուծություն է հրապարակել 2025-ի օգոստոսին Թրամփի միջնորդությամբ ստորագրված պայմանագրի մասին: Ըստ հոդվածի՝ TRIPP (Trump Route for International Peace and Prosperity) կոչվող միջանցքը, որը պետք է անցնի Սյունիքով, իրականում տնտեսական իմաստ չունի:

Վերլուծաբանները նշում են, որ Ալիևն այս միջանցքն օգտագործում է որպես գործիք Հայաստանը երկու մասի բաժանելու համար: Իսկ Թրամփի ու Ռուբիոյի համար սա պարզապես PR քայլ է՝ Նոբելյան մրցանակ ստանալու ակնկալիքով:

Առանձնակի ուշադրություն է դարձվում Փաշինյանի շտապողականությանը: Հոդվածագիրը կարծում է, որ նա փորձում է արագ զիջումներ անել, որպեսզի ընտրություններից առաջ իրեն ներկայացնի որպես միակ մարդ, ով կարող է «խաղաղություն բերել», չնայած նրան, որ իր օրոք երկու պատերազմ ենք պարտվել: