Զախարովան «ծիծաղել է» Ալեն Սիմոնյանի վրա ու ակնարկել Հայաստանի «պատմական բնույթը»

Մոսկվայից հերթական կոշտ ու մի տեսակ «հեգնական» արձագանքն է եկել Հայաստանի հասցեին։ ՌԴ ԱԳՆ ներկայացուցիչ Մարիա Զախարովան, պատասխանելով Ալեն Սիմոնյանի հայտարարությունների մասին հարցին, ուղղակի ծիծաղել է ու ասել, որ չի ուզում մեկնաբանել «էմոցիոնալ գործիչներին»։

Բայց սա դեռ ամենը չէ։ Զախարովան նաև շեշտել է, որ Մոսկվան չի կարող անտեսել այն ամենը, ինչ հիմա կատարվում է մեր երկրում։ Նրա խոսքով՝ Հայաստանում դեռ կան ուժեր, որոնք հավատարիմ են Ռուսաստանի հետ կառուցողական համագործակցությանը, և դա համարել է մեր երկրի «պատմական բնույթի» անբաժան մասը։