Ընտրական ցուցակների «ռենտգենը». ովքե՞ր են ամենաուժեղ ու ամենախոցելի խաղացողները

Նախընտրական թոհուբոհի մեջ քաղաքական դաշտի խոշոր խաղացողները ներկայացրել են իրենց ցուցակները։ Վերլուծաբանների կարծիքով՝ Ռոբերտ Քոչարյանի «Հայաստան» դաշինքն այս պահին ամենակուռ ու սերնդափոխված թիմն ունի, որի վրա արտաքին ազդեցությունները բացակայում են։

Մյուս կողմից, Սամվել Կարապետյանի ցուցակը համարվում է ամենախոցելին ու ռիսկայինը։ Այստեղ նկատվում է արտաքին ուժերի, մասնավորապես Սերժ Սարգսյանի ու Միքայել Մինասյանի ազդեցությունը, իսկ թիմը ձևավորվել է խիստ իրավիճակային։ Գագիկ Ծառուկյանի թիմն էլ, թեև թարմացված է, բայց Անդրանիկ Թևանյանի հետ դաշինքը կարող է փխրուն լինել, եթե հայտնվեն ընդդիմության դերում։

Վերջնական արդյունքը կախված է լինելու առաջնորդների անհատական հեղինակությունից, սակայն վարչապետի միասնական թեկնածուի հարցում լուրջ խնդիրներ են կանխատեսվում։