Իրան-ԱՄՆ բանակցությունները Պակիստանում տապալվել են. քիչ է մնացել ծեծկռտուք սկսվի

Իսլամաբադում տեղի ունեցած Իրան-ԱՄՆ բանակցությունները ոչ միայն արդյունք չեն տվել, այլև ավարտվել են լուրջ սկանդալով։ Ըստ թուրքական աղբյուրների՝ Իրանի ԱԳ նախարար Աբբաս Արաղչիի և ԱՄՆ բանագնաց Ուիթքոֆի միջև իրավիճակն այնքան է լարվել, որ գրեթե վերածվել է ֆիզիկական քաշքշոցի։

Հիմնական խնդիրը եղել է Հորմուզի նեղուցի վերահսկողությունը։ Թեհրանը պնդում է իր լիակատար իշխանությունը նեղուցում, մինչդեռ Վաշինգտոնը պահանջում է հրաժարվել հարստացված ուրանի պաշարներից։ ԱՄՆ փոխնախագահ Ջեյ Դի Վենսն արդեն լքել է Պակիստանը՝ նշելով, որ համաձայնություն չկա, և դա վատ է հենց Իրանի համար։

Միաժամանակ, Իրանի հեղափոխության պահապանների կորպուսը (ԻՀՊԿ) հայտարարել է, որ նեղուցով ռազմական նավերի անցնելու ցանկացած փորձ կարժանանա կոշտ պատասխանի։ Չնայած Պակիստանը առաջարկել էր համատեղ պարեկություն իրականացնել նեղուցում, կողմերը այդպես էլ ընդհանուր հայտարարի չեն եկել։