«Ուժեղ Հայաստան»-ը Ազատության հրապարակում է. Սամվել Կարապետյանի կողմնակիցները փոփոխություն են ուզում

Այսօր Ազատության հրապարակում բազմամարդ հանրահավաք է մեկնարկել։ «Ուժեղ Հայաստան» կուսակցության անդամներն ու Սամվել Կարապետյանի աջակիցները հայտարարում են երկրում շրջադարձային փոփոխությունների սկզբի մասին։

Կուսակցության խորհրդի անդամ Նարեկ Կարապետյանը իր ելույթում նշեց, որ պետությունը չպետք է ընտրությունից ընտրություն «փշրանքներ բաշխի» ժողովրդին։ Նրա խոսքով՝ իրական ներդրումների շնորհիվ հայ մարդը պետք է լավ ապրի ու աշխատի։ «Մենք պետք է ունենանք ապագայի բարձունքը»,- ասել է նա։

Հավաքի մասնակիցները պահանջում են կանգնեցնել Նիկոլ Փաշինյանին՝ նշելով, որ դեմ են ատելությանն ու պառակտմանը։ Ըստ ելույթ ունեցողների՝ ընտրությունը Սամվել Կարապետյանի հետ զարգանալու և Փաշինյանի հետ աղքատանալու միջև է։ Դրոնից արված կադրերը ցույց են տալիս, որ հրապարակում բավականին շատ մարդ է հավաքվել։