Սամվել Կարապետյան. «Փոփոխությունը գալիս է, այս իշխանությունը պետք է հեռանա»

Ազատության հրապարակից հնչել են կտրուկ կոչեր և քաղաքական լուրջ հայտարարություններ։ Սամվել Կարապետյանն իր ուղերձում վստահեցրել է, որ փոփոխություններն անխուսափելի են, և իրենք պատրաստվում են հաղթանակ տանել ընտրություններում։ «Մենք պետք է հեռացնենք մեր ազգը խայտառակող և պետականության հիմքերը քանդող այս փոքրիկ խմբակին»,- նշել է նա՝ հավելելով, որ Փաշինյանն ամեն ինչ զոհաբերում է հանուն իր աթոռի։

Հանրահավաքի ընթացքում ելույթ են ունեցել նաև «Ուժեղ Հայաստան» կուսակցության ներկայացուցիչները։ Արթուր Միքայելյանը զգուշացրել է, որ պետության անվտանգությունը թշնամու հետ կապելը կործանարար է։ Իսկ Արթուր Ավանեսյանն ընդգծել է, որ իշխանությունները չեն պաշտպանում հայրենիքը, և ավելի սարսափելի է «մեռելի պես ապրելը», քան մահը։ Ըստ ընդդիմադիրների՝ խաղաղությունը ձեռք չի բերվում մուրալով, այլ ուժի և խելամիտ դիվանագիտության շնորհիվ։